L'importance que l'on attachait au moyen âge à la noblesse et à la chevalerie, fit surgir, à Liège comme ailleurs, des chroniqueurs prenant soin de tenir note de la descendance — on dirait aujourd'hui de l'état civil — des familles nobles et patriciennes et de consigner les hauts faits de leurs membres.

Ces travaux que des générations nouvelles ne cessaient d'amplifier, formèrent à la longue un véritable recueil de généalogies liégeoises et hesbignonnes qui devint la source primordiale de tous les ouvrages de l'espèce.

Jacques de Hemricourt l'utilisa largement pour son Miroir des Nobles de la Hesbaye, mais n'y prit que ce qui concernait les familles issues de Raes de Dammartin, les seules dont il s'occupe. De même, le héraut d'armes Jean-Gilles Le Fort puisa à la Source primordiale: elle lui fournit les premiers degrés de bon nombre de ses généalogies liégeoises.

La version la plus complète de la Source est celle de Jean d'Outremeuse qui, à n'en pas douter, a reproduit in extenso la copie qu'il avait sous les yeux . Cédant à sa manie de paraître toujours bien informé, il nous énumère même les noms et qualités de ceux qui collaborèrent successivement à ce travail. Commencée par Renkin de Velroux, chevalier, la Source aurait été léguée par lui à la Cathédrale, et continuée par son fils, le chanoine Frédéric de Velroux, puis par les tréfonciers Renier de Fooz, Enguerrand de Jeneffe, et par messire Oust, fils du seigneur de Haneffe.

M. G. Kurth, qui dénie toute valeur au Myreur des Histors de Jean d'Outremeuse, récuse en particulier la Source primordiale. Il la qualifie d' « invention pure », d'abord parce que Hemricourt qui a consulté toutes les sources ne dit pas mot de celles-ci et démontre suffisamment, « par son silence, qu'elles n'existent pas», puis parce que les chanoines cités comme continuateurs du travail primitif « brillent par leur absence dans les listes de de Theux.

Ces raisons ne nous semblent pas convaincantes. L'argument négatif tiré du silence de Hemricourt démontrerait tout simplement que ce chroniqueur traitait ses sources avec une désinvolture dont on trouve d'innombrables exemples. Quant au chevalier de Theux, nul n'ignore que son Chapitre de Saint Lambert ne devient à peu près suffisant qu'à partir de la fin du XVe siècle, c'est-à-dire du temps où l'auteur trouve comme guide les recueils des tréfonciers Gilbert de Wissocq et Guillaume-Bernard de Hinnisdael. Pour la période antérieure, on pourrait citer des centaines de chanoines authentiques dont on chercherait en vain le nom dans son ouvrage. Il suffit pour cela d'ouvrir le Nécrologe de la Cathédrale ou le Cartulaire de Saint-Lambert.

D'ailleurs, il importe peu que les noms des auteurs cités par Jean d'Outremeuse soient ou non de son invention. Un fait est patent: les travaux qu'il leur attribue sont conformes à la réalité.

Jean d'Outremeuse fait mention de divers personnages dont on ne trouve pas trace dans Hemricourt, parce qu'ils ne rentrent pas dans le cadre du Miroir des Nobles. Or, dans un grand nombre de cas, les documents d'archives ont permis de constater leur existence, d'établir leur filiation, et ont démontré que tout n'est pas fable dans le récit de Jean d'Outremeuse. Pour nous borner à la descendance de Louis aux rouges chausses, nous citerons seulement Lambert dit Lambechon Panceron et Louis Navea: les indications fournies par le chroniqueur romancier à leur sujet sont parfaitement corroborées par les chartes authentiques.

Enfin, il est de toute évidence que Hemricourt, avec ses souvenirs personnels, avec le concours des documents qu'il avait à sa disposition et même avec ce qu'il a « appris à vailhans et anchiens chevaliers et escuwiers do paiis de Liége, que miez que nus autres savoient recordeir les nations des Hesbegonons, assavoir à monsangnor Waltier, dierain sangnor de Momalle de ce nom, a monsangnor Johan le Vies voweit de Liers » , aurait été dans l'impossibilité radicale de composer, tel qu'il est, son Miroir des Nobles de Hesbaye. De tels collaborateurs, à peine eut-il pu tirer quelques traditions, quelques récits de prouesses et de combats, quelques éléments des discours qu'il met dans la bouche de ses héros. Sans avoir pour base de sérieux travaux élaborés longtemps avant lui, jamais il n'eut été capable de remonter les origines de familles de son temps jusqu'au déclin du XIIe siècle.

Léon Naveau.

Aller à la citation

Jadis oit à Dommartin et à Warefesee I chevalier gentis, qui oit nom Philippez, qui portoit l'escut varyet d'azure et d'argent, car mesire Varon, ses peires, solonc son nom les prist, par le otroie de l'emperere; son frere astoit Gaitiers, sires de Bolseez, et astoient enfans à Godefroit, sire de Bolesee; et chis Gaitiers avoit Bolsee si com anneis fis; et Varon, qui avoit cure de porteir les armes de Bolesee al chivremont, si alat à l'emperere confermeir l'escut varieit; et si astoit, de part sa femme, de Dommartin et de Warfesee sire; et chis fut Philippe que je dis. Chis Philippe oit II fis, Rause et Libier Breton; Rause fut marieis, mains sens heure moroit; Libiers fut canoine Saint-Poul à Liege, qui enfin laisat sa provende quant Rause fut mors, fut sire de Dommartin et de Warfesee, si oit I femme mult belle qui fut nomme Sophie; filhe fut d'on molnier, et qui astoit prestre, et si astoit la damme legitime, car ilh demoroit, al temps de signour Vaire, et Awire, I noble chevalier qui astoit nommeis Michiel, et astoit sire d'Awire, qui de sa femme oit I filh qui oit nom Huar, qui fut mult sages hons et fut suffissans clers; si oit devocion d'estre prestre ou canoinez; mains ses peires le mariat, et oit Katherine, filh à signour Bastin de Villeir, qui fut ayon à chel Bastin qui portat le fietre à Builhon, ensi que nous avons dit. De chel Huar et Katherine fut I filhe, Sophie, que Libier oit à femme; et sa meire morut en delivrant de li, et Huwars devient prestre, et li evesque li donat le vesture de Lexhi, si fut doiens de conciel de Hosemont.

Henris astoit evesque, li promiers de chel nom; si commenchat à son temps les molins, Huars, à edefyer à Awir, et l'apelloit-ons le monier d'Awir plus sovens que ons ne faisoit sire Hue. Et quant ilh fut mors, si oit Liebiers tous ses biens qu'ilh tenoit, si fut tres riches hons; et n'oit c'onne filhe, qui oit nom Agnes, car sa femme morut del second enfant, qu'il oit en I auwoust sour l'an del incarnation milh et XC; chis Liebiers de Dommartin ne fut onques chevaliers, car ilh n'avoit cure que de Dieu servir et ameir sa filhe Agnes; et devient prestre, et fut ansi doyens de conciel. As escas et à tablez jowoit sovens avecque sa filhe; et aquist bien à son temps XIIIIc boniers de terre entre Geneffe, Awans, Waroux et Lexhi; et si fut sire de Dommartins Awir et Warfesee; onques si riche monier ne prestre fut en si paiis, fors mis l'evesque. Liebier mariat sa filhe à Humbier de Hacuer, qui astoit venus de Hollande, dont ilh astoit neis, demoreir à Hacure, et fut nommeis Humbiers à la barbe; ilh oit alquine chouse meffait al conte de Hollande. Chis fut I hons de bonnes manierez, jovenes, beais et faitis, et de miedre chevalier de li ne savoit-ons parleir; ilh oit Agnes à femme, et fist I tour mult belle à Dommartin; chis avoit armeis de sa droite nacion, ch'estoit: I escut de guele à flour de lis d'argent. Et oit II fis qui furent beais: Libier Sureal, l'anneit, et Hue, l'autre, qui furent chevaliers, et I filhe qui fut nommee Aelis-le-belle, si at doneit à Lieber Dommartin et Warfeseez et les vilhez appendantez, et li donat ses propres armes, et que ilh fust crians: « Dommartin; » chu li cargat; ensi fut Dommartin prendans les flour de lis. Sirez Humbiers donat à Huon, son filh, Lexhi, Geneffe, Awir, Waroux et Awanse, les dois avowerie; et se li fut cargans le blason de sa mere, qui astoit varyet, et criat: « Dommartin, » ansi bien que li altre; mains ilh appellat les armes Awans. De chelles armes, Dommartin et Awans, furent puis issans mult grandes nobleches, ensi que vous oreis.

Apres, Liebiers, li sire de Dommartin, oit III fis: Fastré et Reniers, qui furent chevaliers, et daint Euweauz, dont j'ay esté parlans, qui fut abbeis de Saint-Laurent, à cuy li dois freres qui fondarent l'englise de Saint-Nycholay, en Glain, astoient cusins, de linage de Bolseez. Or vous voray dire briefment partie de cheauz qui sunt issus de II frerez, maistre Liebier Sureal, de Dommartin et Warfesee, et de Huon, sire de Lexhi, Geneffe, Awir, Awans et Waroux; et qui prent solas à oiir, si l'escute diligemment. Promiers, si com j'ay dit, Liebier oit III fis: Fastré, Renars, chevaliers, et daint Euweauz, abbeit de Saint-Laurent, qui jà avoit regneit asseis, et apres regnat et regnoit à chel temps que li daute coroit ensi que je ay escript, assavoir XIc et LIIII; car ilh regnoit al temps que saint Thomas de Canthorbie fut martirisiez, qui fut martirisiez, ensi que vous oreis, l'an XIc et LXX, que li dis abbeit de Saint-Laurent amoit durement ; si en fondat I alteit en honour de li, devant lequeil ilh en fist ensevelir apres son decesse. Apres Liebier, oit la terre Fastré, ses fis, car Reniers morut sens heures; lyqueis fut marieis et oit IIII fis: Rause, Thomas, sire de Hermallez, Arnus de Harduemont et Eustause, sire Harneffe, chevaliers tous. Chis Eustause astoit sire de Donchier de part sa femme, qui fut genti damme de linage degasté, laqueile on nomat Franque, damme de Haneffe, partant qu'elle fut franque gentive. De chelle damme oit-ilh I filh, qui fut nommeis Eustause li frainshons, apres le nom de la mere; lyqueis monsignour Eustause li franshons oit la filhe le signour de Ruelant, de laqueile ilh oit mesire Johain le Persant, sire de Haneffe, et Thiri, son frere, chevaliers, et I filhe qui oit femme al signour d'Awans; de laqueile li sire de Awans oit I filhe, qui oit à mari Butoir de Clermont.

Apres, oit li Persans de Haneffe I altre filhe, mariee à Goedefroit, chevalier, frere mesire Wilheame Macleir de Hemericourt, dont ilh issit Wilheamez de Heykes. De monsignour Persant fut fis monsire Johain, qui fut mors en Orbonne deleis Huy, qui fut maris à la damme de Dolhen; si oit II fis et II filhez; ly II fis morurent oultre mere, et li annee des filhez oit monsignour Thiri de Rochefort, dont ilh oit VIIl fis et une filhe; et li altre fùt mariee à sire Balduen, le castelain de Waremme, fis à monsignour Wilheame, le castelain de Waremme; liqueis messire Balduen fut mors en Erbonne; si demorat de li I filhe que Gerlaxhe de Monjardin enmenat; dont ilh issit Balduen de Monjardin, chevaliers.

Apres deveis savoir que mon sire Thiri, frere à Persant desseurdit, n'oit enfant: dont ilh avient que messire Johain soy remariat et prist à femme le damme de Bealrains, qui astoit une veve; sen oit II fis; mesire Thiri, qui fut banereche, et Hue dou chanpt. Et partant que chis enfant furent de remariage, mesire Thiri laisat à mesire Thiri, l'aneit des frerez, la terre et de Saraing, et à tous ses hiretage; liqueis dois frerez orent mul d'enfans. Or vous avons deviseit de monsignour Eustause, fis masneit à mesire Fastreit, sire de Dommartin, et cheauz qui sont desquendus de li. Et li anneis fis, qui fut nommeis Rause, dequeile ilh fut mesire Otte, qui fut sire de Dommartin, et sa serour, qui oit mesire Hennemain, signour de Sconnewoust; de chel oit la damme III fis: ly anneis fut mesire Rause Maxhureis, dont sont li hoirez; li second fut mesire Henri de Fexhi, dequeil fut mesire Lambert de Fexhe, dont sont li heures; ly altrez fut mesire Arnus de Coevins, dont ilh sont li heures, et mesire Arnus li jovene, sire de Seraing, frere de mesire Otte, dont furent II fis: mesire Rause, li aneis, et mesire Waltier de Mommale. Si oit mesire Rause la damme de Haripont, et oit de li X enfans, fis et filhez; et puis morut la damme; si reprist à femme le filhe monsignour Wilheame de Waroux, qui astoit gentis damme de part sa mere, la damme de Heres; de chel oit X enfans. Or devons dire de monsignour Watier de Momale, qui morut sens heures; si revient sa terre à son frere, qui oit la damme de Haripont. Apres, deveis savoir que mesire Arnus, frere à mesire Otte, sire de Dommartin, qui soy mariat à Hue, si prist I veve damme qui oit esteit femme à Ponchar Luselier, et astoit serour à mesire Lambuche Galhart, de Liege, chevalier; de laqueile damme Arnus oit I fil et I filhe: li fis oit nom maistre Rause de Sarain, dont ilh isserent III filhes: ly annee fut mariee à mesire Gilbart de Greis, en Brabant; la seconde fut mariee à Lens en Brabant, dont sont li heures; li thierche oit Wilheame de Oborne, dont sont li heures.

Ors morut la damme de Huy, si soy remariat mesire Arnus à Altrive, si ot la serour mesire Wilheame d'Altrive, dont ilh issit mesire Arnus de Husinbur et II filhez; si en oit une mesire Lambert de Uppey, et l'autre mesire Thiri de Riwecheal, dont li heures sont. Or devons dire des filhez mesire Octe: li une fut mariee en Famenne à monsignour del Vaus, qui oit nom Jacque; des queis isserent Johain de Vauz et Arnus, ses freres; et de Johain fut Thibauz de Vauz; et li altre filhe fut mariee à mesire Gerart d'Oxhon, dont ilh furent II fis: mesire Watier, sire d'Oxhem, et mesire Johain d'Oxhem; et si oit II filhes: li une oit mesire Jaqueme Chabot, de Liege, de queil mesire Jaqueme furent II fis: li unc, sire Gerart d'Oxhem, canoine de Liege, et Giele Chabot fut li altre; et furent ansi II filhes dont li heures sont. Apres, fut li altre filhe mesire Gerart d'Oxhem mariee à Liege à sire Gilart de la Cange; si issit une filhe qui fut mariee à mesire Johain de Lardier, esquevins de Liege. Et li altre filhe mesire Octe fut mariee à Wotrenghe, dont furent II fis: mesire Loys et Fastreit; Brunekens, dont sont li heures; et Fastreit oit des heures ansi. Or vous diray de monsignour Thomas, fis monsignour Fastreit desseurdis: li queis Thomas fut sire de Hermalle, si oit II fis, assavoir: mesire Arnus, sire de Hermalle, et monsignour Renier, sire de Nuefvilhe; de mesire Arnus furent III fis: mesire Loys, Lambers de Chanthemerle et Thomas; et oit I filhe mariee à Huy à sire Johain de Falcon. De mesire Loys issit mesire Henri de Hermalle, li queis oit I filhe mariee al voweit de Hesbain, la queile fut damme de Hermalle; si en oit pluseurs filhes, des queiles oit une mesire Lowi d'Agimont dont ilh oit I filhe qui oit à marit mesire Evroid, fis al conte de le Marche et frere germain à l'evesque Engelbert de Liege. De Lambert de Chantemerle fut mesire Rause de Chantemerle et Johains, ses freres; et oit Rause une filhe qui fut mariee à Liege à mesire Hubin Bareit, chevalier; et Thomas morut sens heures. Si devons revenir à mesire Renier de Nuefvilhe, qui fut frére à mesire Henri de Hermalle li viez, li queis oit III fis, assavoir: mesire Johain de Nuefvilhe, Loys de Flostoit et Henris; mains mesire Johains et Loys morurent sens heures, et Henris oit I filh qui oit nom Loys; ensi aveis de Thomas.

Maistre Arnus de Harduemont fut li altre, qui oit II fis: mesire Lambert, sire de Harduemont, et mesire Adam d'Ardenghe; liqueis mesire Lambert oit IIII fis: mesire Lambert, Arnus, Godefroit de Tilhiche et Giles; mesire Lambert morut sens heures, si fut mesire Arnus, ses frerez, sire de Harduemont, qui oit III fis, assavoir: mesire Johain, sire de Harduemont, qui oit I fil et pluseurs filhez; ly secons fis oit nom Arnus, qui morut sens heures; li thiers oit nom Lambert, li sire de Hatepenne, de queiz sont li heurez. Or devons revenir à Godefroit de Tilheche, qui fut peire à mesire Arnus de Tilheche; et li derains fis, mesire Giele, morut en Araugonne, à I puilhiche. Si revenons à mesire Adam d'Ardengne, dequeil issit mesire Lambert d'Uppey, qui fut grant signour et ayon à mesire Lambert d'Uppey qui tant fut preux, et I altre qui oit nom mesire Codefroit d'Ardengne, de quoy sont li heures; ilh en ist desquendus mesire Adam de Kerkem et mesire Henri, canoine de Saint-Johain en Liege, et fut frere al abbeit de Sain-Tron et à monsignour Lambert et Godefroit d'Ardengne. Or aveis oït cheaus qui sont issus de mesire Fastreit, parmi ses III fis, tous de linage de Dommartin et Warfesee. Et deveis savoir que mesire Fastreit oit I serour mariee à Walehem, dont ilh sont issus mesire Jaqueme de Walehem, li sire de Corbaise, li sire de Bouloy qui oit III fis: mesire Thiris Begez de Fangoul, mesire Oldri de Rohengniez, mesire Jaqueme de Blamont, desqueis sont desquendus cheauz de Walhen tos; si fut mesire Arnekins sire de Walhen, qui oit III fis: mesire Arnus, sire de Walehem, mesire Ottes et mesire Wilheamez de Bertinchampt. Or aveis tous cheaus qui sont desquendus de monsignour Liebier Sureal, qui fut sires de Dommartin et de Warfeseez.

Si devons revenir à monsignour Huez de Lexhi, frere aldit Liebier Sureal, et parleir de cheauz qui de luy sont desquendus. Mesire Huez ot IIII fis, assavoir: Octe, Bruton de Warous, Henris de Criscèngnee et Badus de Voroux, chevaliers; si oit Octez IIII fis chevaliers et V filhez chevalresse; ly anneis des fis oit nom Amele de Lexhi, li altre Rigals de Beariwe, voweis de Kemexhe, li III Octe de Novilhe, et mesire Godefroit d'Awir. De mesire Amele de Lexhi issit Amele, ses fis, chevalier, peire Walthier de Belrivet; de queil mesire Lambert de Haltepenne oit I filh dont sont li heures. Ly enfans de Munhin furent frere à Walthier, fis mesire Amele deseurdit; mesire Rigals de Bealriwe ot III fis chevalier et III filhes: ly anneis fut mesire Amele, peire mesire Johain de Coqueroul, et at ses frerez et sorours; ly secons oit mesire Rigals de Bealnowe com li peire, qui oit filhe mariee à Liege à Walthier le Blet, dont sont li heures, li thiers fis fut mesire Gile, canoinez et doyens de Saint-Poul en Liege; li annee des filhes fut mariee à mesire Renier de This, s'en oit II fis: Hesbengnon, qui morut sens heures, et Franchois, dont ilh issit mesire Rigals, qui oit III filhez: dont la promier fut mariee à mesire Johain de la Capelle, s'en issit mesire Godefroit de Capelle; li seconde fut mariee à Henri Cusin, de Liege, qui oit I filh et III filhes: dont li annee fut mariee à Gile le Beal, cangeur et esquevins de Liege, dont ilh fut III fis et I filhe: li anneis oit nom Johain le Beal, canoine de Liege, li altre, mesire Henri le Beal~ chevaliers, et Giele le Beal, canoine de Saint-Johain en Liege; et la filhe fut mariee à mesire Humbert de Bernalmont, chevalier, dont ilh issit mesire Johain de Bernalmont, chevalier, et Corbeal, ses frerez; et l'autre filhe Henris fut femme Gerart de Thihangne, dont sont li heures; et li fis morut sens heures.

Apres, la thierche filhe mesire Rigals fut mariee à Renier de Chevalbay, mains n'en issit nul heures. Item, li seconde filhe mesire Rigals de Bealriwe deseurdis fut mariee, à Liege, à mesire Gerart des Canges, s'en issit mesire Johain des Canges, doiens de Liege, et II filhes, serours aldit doyen: dont li annee fut mariee à mesire Johain de Landris, peire à monsignour Johain le jovene, qui oit IIII fis, et peire ansi à mesire Liebier de Landris. Apres, li seconde filhe mesire Gerart des Canges fut mariee à Wilhem de Brus, dont sont li heures. Item, la tierche filhe mesire Rigals de Bealriwe fut mariee à sire Radut d'Ilhe, qui en oit II fis et I filhe: Radus et sire Giele, canoine de Liege. De Radus issit mesire Radut de Bars, qui morut oultre mere, et la filhe fut mariee à sire Evrar d'Ilhe, esquevins de Liege; s'en issit Otte d'Ilhe, dont sont li heures. Chis sire Evrar oit III fis avecque Octe, assavoir: Clarebals, Alixandre et sire Renier, canoine de Sainte-Crois à Liege. Ensi aveis cheauz qui sont issus de mesire Rigals de Bealriwe, secons fis à mesire Octe. Si dirons de thier filh mesire Octe de Lexhi, qui fut nommeis mesire Octe de Novilhe: qui oit I filhe mariee à monsignour Fastré de Fermez, dont fut fis mesire Robert de Ferme, dont ilh isserent mesire Johain et Fastré li Puilhes de Fermes, et Henris, de queil issit mesire Robert li jovenez. Et monsignour Robert, fis à mesire Fastreit de Ferme, soy mariat, si prist la filhe mesire Philippe d'Altrive, dont ilh oit II fis, Johains et Wilhems, dont sont li heures. Apres devons dire de mesire Godefroit d'Awir, qui fut fis mesire Octe de Lexhi, qui ot III fis: dont li aneis ot nom mesire Johains, ly secons Rigals et li thiers mesire Henris d'Awir, canoinez Saint-Poul à Liege; de mesire Johain, l'anneit, issit Raskins, Helins etmesire Johain, qui fut doiens de Saint-Servais à Treit; Rigals, li altre fis mesire Otte, morut sens heures. Or aveis oït de III fis mesire Otte de Lexhi; si dirons des filhez.

Li annee fut mariee à Hosemont et oit mesire Gerart de Ruelant, castelain de Hosemont, qui en oit IIII fis chevaliers et I filhe: dont li anneis oit nom mesire Wilhems de Roveroit, qui oit III filhez; si fut li annee mariee à mesire Johain le Velhet, citain de Liege, peire monsignour Johain Roveroit, qui oit III fis chevaliers; et sire Johain Velhet oit une filhe qui fut mariee à Lambert d'Ilhe, se fut Henris de Soliers et ses freres et serours. Apres, la seconde des filhes mesire Wilheame de Roveroit fut mariee: s'en issit Coste de Roveroit, qui fut beghine. Et li thierche filhe mesire Wilheame oit nom demoiselle Ysabeal, si fut beghine ansi. Item, li secons fis mesire Gerart, castelain de Hosemont, qui fut nommeis Weris de Fostennez, qui oit III fis chevaliers: ly anneis oit nom mesire Barnage li vies de Fontaine peire à monsignour Barnage le jovenes et à mesire Johain, et à mastre Godefroit de Fontaines, docteurs de diviniteis, canoinez de Paris et de Liege; et li altres fis oit nom Oust, frere à monsignour Barnage li vies, li queis aquist mesire Wilheame de Roveroit le castellerie et signorie de Hosemont. De Oust fut mesire Johain et Gerart; ly queis Johains fut marieis, si oit I filhe qui oit à marit mesire Johain Surles; et Gerart fut marieis, dont sont li heures. Apres, li thier fis mesire Weris de Fontaines oit mult d'enfants qui furent marieis, dont issit li bon chantre de Saint-Lambert de Liege que ons nommat le chantre de Hosemont. Apres, li thiers fis mesire Gerart de Hosemont fut nommeis mesire Johain Malchar, qui oit V fis chevaliers: ly anneis fut mesire Rogier de Herstat, qui ot II fis: Godart et Humbiert; ly second fis mesire Johain Malchar oit nom mesire Wilheame le Roide, dont isserent mesire Oust et Guilheamez, son frere; apres chu se remariat mesire, si prist la filhe mesire Octe de Novilhe, s'en fut Johain li beges de Berses, de cuy sont li heures. Ly thiers fis mesire Johain Malchar oit nom mesire Johain Hanebeals de Fontaine, de cuy sont li heures. Li quars fis fut mesire Stassart, qui morut sens heures; et li Ve fis oit nom mesire Fastreit, dont sont li heures.

Item, li quars fis mesire Wilheame, castelain de Hosemont, fut nommeis li Polens de Hosemont, qui morut oultre mere sens heure. Or dirons de la filhez mesire Gerart de Ruelant, qui fut mariee, à Flemale, à mesire Maquart del Heys; s'en oit I filh et II filhes: ly fis oit nom Willleame, et oit V fis: li anneis oit nom mesire Collart, qui oit une filhe qui oit nom Margarite, qui fut mariee à Radot l'Ardenois des Preis, chevaliers, fis à monsignour Arnus des Preis, chevaliers, maire et esquevins de Liege et mariscals del evesqueit de Liege. De Radus de Preis et de Margarite issit et fut fis maistre Nychol li Ardenois des Preis, docteurs de drois et de loys. Ly secons fis Wilheame fut mesire Johain de Flemale, et li thiers mesire Wilheame le Heris; li quars Henris li Damoiseais, dont est mesire Balduen de Flemale, chevaliers, qui oit III fis, dont li dois furent esquevins de Liege, Wilheame et Johain qui morurent en Erbonne, à Huy; et li Ve fis fut abbeis de Floine, si oit nom Loys. Item, oit mesire Wilheame marieez, dont sont li heures asseis. Item, li annee des serour mesire Wilheame del Heys fut mariee à Halebay, si ot Rigal del Vengne, fis mesire Anthoine de Halebay; s'en oit I filh qui oit nom Rigals, et I filhe mariee à Alixandre, le voweit d'Eure, dont fut maistre Wilheame d'Eure, et I filhe, abbesse de Flopiet; ly altre filhe Maquars fut mariee, à Liege, à mesire Walthier le Cornuit, dont fut Johains li Cornus, dont sont li heures; et oit chis Johains li Cornus II frerez et suere: ly dois freres orent nom Wilheame et Walthier li Cornus, et I filhe qui oit nom Maroie le Fivee, qui fut mariee à maistre Henri, l'entailheur de draps, s'en fut Clamenche, femme Thomas de Hemricourt, le notaire; ly queis Thomas en oit IIII fis: Thomas le viniers, Octebon li hostelier, Goffins et Gilchon de Hemricourt, dont sont mult d'heures.

ltem, li seconde filhe des V filhes mesire Octe de Lexhi, dont li annee fut mariee à mesire Gerart de Ruelant, castelain de Hosemont, si que j'ai dit de cheauz qui en sont issus; si fut mariee la dite seconde filhe à mesire Balduen li Amirairs de Berses: s'en furent II fis chevaliers et dois filhes: ly annee fut mariee à mesire Herman de Hanut, castellain, s'en issit I filh et II filhez: li annee fut mariee à mesire Wilheame de Letre, dont issit mesire Jaqueme, s'en sont li heures; et li altre fut mariee à mesire Jaqueme, sirez de Chellez, dont ilh furent IIII fis et dois filhes, qui fut mariee à mesire Gerart de la Porcherie, en Franche. Item, des IIII fis fut li anneis, qui oit nom mesire Rause, dont ilh issit mesire Jaqueme de Leytre; ly secons fis fut mesire Jaqueme de Lohiers, qui oit I filhe mariee à signour de Gonnes; ly thiers oit nom Johains, chis oit mult d'enfans; et li quars oit nom Gerars, chis morit sens heures. La seconde filhe mesire Balduen de Berses fut mariee à Liege, à sire Renier de Marcheit, qui oit I filh chevalier, qui oit nom sires Herman de Marcheit, dont sont li heures. Or oit mesire Balduen li Amirais de Berses II fis, dont li anneis ot nom Balduen, si fut marieis et oit VII fis, chevaliers et I canoine et chantre de Liege, qui fut nommeis mesire Gerart Griseal; li anneis oit nom mesire Rigals, chis oit III fis dont li anneis oit nom Balduen Badus, qui oit I filhe qui fut mariee à mesire Johain de Cherf, de Huy, qui en oit Il fis à chevaliers: mesire Hustin et mesire Gile de Fiez. Ly secons fis Rigals oit nom Guilheame, qui oit I filh, Guilheame ansi. Li thiers fis oit nom Gerars, qui fut doiens de Saint-Poul en Liege, li appellat-ons le doyen chantereal; et li altre fis oit nom Johain de Hollongne, qui oit dois fis: mesire Rogier de Hollongne, qui oit III fis, li voweis Rogier et Buchars; et ot dois filhez mariee à Liege, l'annee à sire Weri de Palais. dont fut Gerart de Palais, et l'autre à Huneal del Ruel, li queis en oit I filh qui oit nom Huneal, et I filhe qui fut nommee Ezilhe, dont sont li heures.

Li altre fil mesire Johain de Hollongne fut canoine de Liege, et fut nommeis mesire Johain de Hollongne ansi com li peirez. Apres deveis savoir del thier frere de Berses, qui oit nom mesire Balduen de Juprelhe, qui oit I filhe dont sont li heures; et fut mariee à Corines, en Brabant. Li quars frerez de Berses oit nom mesire Jonathas, dont fut mesire Gilotons de Berses, de cuy furent li heures, Johain et Jonatas; et li Ve des frerez oit nom mesire Amele; ly VIe, mesire Arnus, de cuy sont li heures. Or oit mesire Balduen de Berses I frere qui oit nom mesire Reniers de Veleroux; chis oit VI (chis) fis chevaliers et III escuwiers, et I filhe mariee à mesire Gerart de Herain, de cuy issit mesire Gerart de Berlouz, et II damoisellez, dont li I fut mariee à mesire Collart de Borsut, en Hennau, dont isserent Huars et Gerars; et li altre fut mariee ale Maisaise; dont fut Johans; s'en sont li heures. Or doit-ons parleir del asneit filh mesire Renier, qui oit nom Herman de Sclachins, chevaliers, qui oit I filhe qui oit nom Gelle, dont sont li heures; ly secons oit nom mesire Radus de Mons, qui oit I filh et I filhe; li fis oit nom Radut et la filhe oit nom Cusinete, qui fut mariee à mesire Arnus de Preis, maire et esquevins de Liege et mariscauz del evesqueit de Liege; dont ilh isserent moult enfans, fis et filhes, entre les queis ilh isserent VII fis qui furent nommeis Henroie des Preis, Gerart Cusin, Radus li Ardenois, Thiris li asneis, Stassar de Harstat, Loys de Colonster et Johain, chevaliers, dont ilh issit moult grant pueple; et ancors y oit des altrez fis et filhez asseis. Li thiers fis mesire Renier fut nommeis Johan Boleiwe, chevalier, qui oit II fis, Johains et Hermains, et I filhe qui fut mariee à Grasce; s'en issit mesire Bolewe de Grasce. Et de Johain Bolewe, anneit filhe à mesire Johain Boilewe, fut fis mesire Johain Boilewe, esquevins de Liege; et Hermans, li altre fis. fut marieis à Gemeppe, qui oit dois fis, Boilewe et Thonis. Item, li quars fis de Velerous oit nom mesire Andriers, qui morit sens heures; et li fis Ve oit nom mesire Thiris Panneez, dont sont li heures asseis; et li VIe frerez, mesire Warnier, sont li heures.

Des trois fis escuwiers fut li anneis Balduen del Forest, qui oit I filhe mariee à Liege, à sire Pire del Ourse; dont ilh fut Johain del Ourse, et dame Agnes qui oit Lambuche Pellage, s'en oit III fis: ly anneis fut mesire Giele, vowé de Chaynee, dont li balhiers isserent; ly altre fut Jaquemart dis Pellage et Colart Pellage, son frere; puis morut damme Agnes, si oit Lambuche I altre femme qui astoit filhe à mesire Renier de Fleron, si astoit I femme veve, si avoit eut à marit Johain Drughin, de Jupilhe, dont ilh avoit dois filhez qui orent les dois fis Lambuche, Jaquemart et Collart, dont sont li heures; et de chesti femme Lambuche furent plusseurs enfans dont ilh sont li heures; et orent I mult valhant filhe qui oit nom Gavart. Ly secons freres escuwiers oit nom Bachelers, s'en fut li amirant de Ramey, dont sont li heures. Ly thiers frerez escuwiers oit nom Johain, dont sont li heures; et tuis chis sont issus de mesire Balduen de Berses, de la seconde filhe mesire Octe de Lexhi. Item, la thierche filhe mesire Octe fut mariee en la conteit de Louz à monsignour Wilheame de Sassebruche; chis oit IX fis et assels de filhez, dont sont issus tant d'heures dont li conteit de Louz en est raemplis. Item, li quarte des filhez mesire Octe fut mariee à Rocoint, si oit II fis à chevaliers: del asneis issit mesire Bertrans de Bers, qui fut peire Bertrans et Rigals, ses frerez; et del altre issit mesire Weri, dont sont li heures. Ly Ve filhe mesire Octe de Lexhi fut mariee, à Harcourt, à mesire Wilheame Ronchin, qui oit III fis chevaliers et I abbeit à Saint-Lauren deleis Liege, qui fut nommeis Henris. Item, li anneis des fis oit nom mesire Ameil de Wonch, qui oit I filh qui oit nom Henris li Polens, qui fut peires Ameile de Wonch, borgois de Liege; li altre fis secons oit nom mesire Rigals, de queil fut Rigals li Saynes, canoines de Saint-Denis à Liege, et dains Wilhems, moynes de Saint-Lauren; et si oit moult de filhez, dont sont li heures. Ly thiers oit nom mesire Rause, qui fut peire à Huar le gris de Baronvilhe, dont sont li heures; et ot I filhe mariee à Liege, à maistre Johain Noiche, frere à sire Giele le beal del Cange, et Henris qui fut abbeis de Bealrepaire. Or aveis cheauz qui sont desquendus de V filhez mesire Otte de Lexhi; si vous diray de second frere mesire Octe.

Brutons fut li secons frere mesire Otte de Lexhi, et oit nom mesire Brutons li viez de Waroux, qui oit VI fis chevaliers et II filhez: li annee fut mariee à monsignour Wilheamez de Landris, dont fut mesire Liebieir de Landris, qui oit I fis qui fut nommeis mesire Johain; et chis oit à femme le filhe mesire Gerart del Cange, s'en oit II fis: mesire Johain et mesire Liebier, canoine de Liege. Mesire Johain, li anneis, oit V fis: mesire Johain, qui fut mariscauz del evesqueit de Liege et esquevins de Liege; li secons ot nom mesire Tibaut; ly thiers mesire Gerart; et li dois altrez furent canoinez, mesire Liebier à Saint-Denis et mesire Rause à Saint-Lambert à Liege. Item, li seconde filhe mesire Bruton oit à marit mesire Weri de Hambroux, qui oit II fis à chevalier et Il filhez: ly annee fut mariee à Wychem, s'en issit mesire Arnus de Wychem et Gilez, ses freres. De mesire Arnus furent IIII fis: ly anneis oit nom mesire Arnus, ly secons mesire Hermans, ly thiers mesire Symon, et li quars mesire Gerart, dont sont li heures; et ot I filhe mariee à mesire Gile de Nuefvis, dont issit mesire Arnus de Charneur et mesire Guys, canoine et chantre de Liege. De mesire Giele de Charneur isserent mesire Arnus de Charneur, esquevins de Liege, mesire Walchier, canoines Saint-Poul à Liege, et Aoust, leur frere; li seconde filhe fut mariee à Fleron et oit Rennar, dont sont li heures. Apres, des III fis mesire Weri, oit li anneis nom mesire Walthier, le senescauz de Preis; de cheli fut Johain, qui fut peire à mesire Radut de Fosseit et à mesire Johain de Colonster, dont sont li heures; ly secons fis mesire Weri oit nom Weri del Preit chevalier, qui oit III fis et III filhez: ly anneis fut Gieles de Preis, ly secons Johains de Tyvlez, et li thiers Radus Honroie, dont sont li heures. Item, del annee filhe fut mesire Weri de Grasce, dont sont li heures; la seconde fut mariee à mesire Anthoine de Fontaines, qui oit I filhe mariee à Johain del Coir, dont sont li heures: ly abbeis de Floines, mesire Weris, et Wilheamez de Coir; de la thierche issit Weris de Fontainez, borgois de Liege.

Ensi aveis cheaus qui sont issus de mesire Bruton de Waroux. Or devons dire des enfans mesire Bruton, dont fut VI fis: li anneis fut mesire Liebier de Geneffe, qui ot III fis chevaliers: mesire Balduen de Geneffe, qui oit V fis, dont ilh fut mesire Butoir qui oit I filhe mariee à mesire Jaqueme de Clermont, et mesire Symon; et si oit I filhe mariee à mesire Franque, voweit de Fleron, dont sont li heures. Ly secons fis oit nom mesire Gerart Tacaus; ly thiers mesire Wilheamez, castelains de Waremme, peire à mesire Balduen, qui fut peire à bon mesire Wilheame de Waremme, castelain, qui fut oultre mere avecque monsignoir Johain de Hennau, c'on dist de Bealmont, conduisoit la royne et le jovene roy de Ingleterre; et mesire Arnus de Johain fut ses frerez. Ly quars fut mesire Rigals de Geneffe, doyens de Saint-Johain en Liege; et mesire Arnus, canoine de Saint-Johain, fut li Ve. Et li secons fis mesire Liebier oit nom mesire Libier de Lymons, qui oit II fis chevaliers: mesire Bades et mesire Rigals. De mesire Badet fut mesire Symon de Herbais, qui oit III fis: mesire Weri de Lymons et II altrez, et demorarent en Brabant. Item, li thiers fis mesire Liebier de Geneffe oit nom mesire Arnus d'Oreilhe, qui oit I serour mariee à mesire Adam de Monfrant; s'en fut mesire Wilheamez d'Orelhe, mesire Johain, ses freres, Balduens Bistons, Adam et Gerart; mains de touz eauz n'issit nuls heures, fors seulement de mesire Wilheame; chis oit II fis et I filhe qui fut mariee à Godefroit de Blamon, en Brabant; s'en fut dois filhes, dont l'une fut mariee à mesire Prinkin de Wotrenge de cuy sont li heures; li altre filhe fut mariee, mains n'en fut nuls heure. Item, li anneis fis oit nom mesire Arnus, sire d'Orelhe; ly altre, mesire Johain d'Orelhe, qui oit à femme le filhe al signour de Veleroux, dont issit mesire Wilheame d'Orelhe qui oit à femme damme Margarete, filhe le conte Arnus de Louz, dont issut mesire Arnus de Rumines et li femme mesire Johain de Hamale; et oit ancors I filh, li sires de Veleroux, qui fut nommeis Renchon d'Orelhe, qui fut mors en Erbonne, à Huy; et oit II filhez ancors, dont l'une fut femme Bertrans de Lers, dont est issus li jovene Bertrans qui est al jour d'huy; et li altre fut femme Johain de Mers, citain de Liege, dont sont li heures.

Ensi aveis cheauz qui sont issus de III fis mesire Liebier de Geneffe. Si dirons de sa filhe qui fut mariee à Rosut: s'en issit mesire Robekins, sire de Rosut; et de Robekin issit mesire Johain; et oit mesire Robekin une serour mariee à Ernart de Rollouz, et de cheli fut mesire Henris de Rollouz et Melars, ses freres, dont sont li heures. Mesire Henris ot V fis: Henris, Liebier, Baldris, Wilheame le Clerc et Renart, dont sont li heures; et oit moult de filhez. Ensi aveis cheauz qui sont desquendus de mesire Liebier de Geneffe, le anneit filh mesire Brutons li viez de Waroux. Si vous doy dire del secon fil mesire Bruton, li queis oit nom mesire Humbier d'Awans, qui oit VI fis chevaliers, et I abbeit de Saint-Lauren, et IIII filhez: dont li annee fut mariee à mesire Thomas de Puchey; de cheli fut Hermans Clerchons de Puchey. Apres, mesire Thomas aloit morir, et la damme reprist mesire Thomas d'Antines, dont fut mesire Corbeais d'Antynes, dont li heures sont. La seconde filhe fut mariee à Elnoir, dont fut mesire Humbier d'Elnoir, dont sont li heures. La thierche filhe fut mariee à Wonche, dont issit li bochus de Woncht, qui oit plusseur freres et serours. Li quarte filhe fut mariee à Mariele, deleis Saint-Tron, dont sont li heures. Item, li anneis fis mesire Humbier d'Awans oit nom mesire Libiers Tresons de Othey, qui oit II femmes: de la promier fut mesire Willheamez, li molniers, qui oit IIII fis et une filhe qui fut mariee à mesire Johain Bonal, dont sont li heures; et li anneis filh oit nom mesire Godefroit de Wihongne, qui n'oit nul heure I filhe qui fut mere Piron Boseal, esquevins de Liege, le peire Johain Flovens; li second filh oit nom mesire Daniel, de cuy sont li heures; li thiers fut moynes à Saint-Jaqueme, à Liege, si oit nom dains Johain; ly quars oit nom Henris de Wihongne, canoine de Saint-Donis, à Liege. Chis sont del promier femme mesire Liebier d'Othey. De la second fut IIII fis: li anneis oit nom mesire Arnus de Othey, s'en furent II fis, dont sont li heures: si oit I canoine de Saint-Bertremeir, en Liege, qui oit nom Liebier; ly secons fis mesire Liebier de sa seconde femme fut Olivier de Juprelhe, peire Walherain de Juprelhe, et la femme mesire Johain Buchar de la Boverie, dont sont li heures. Li thiers fis fut Libier de Wihongne, dont fut Percheval de Wihongne et frere Johains Aigres, li precheurs del maison de Liege.

Li quars fis oit nom Tatars, dont sont li heures; puis oit une filhe qui fut mariee à Hennetynnes, en la conteit de Namur, dont fut mesire Liebier de Hemmetines, mesire Arnus de Ponthelache et Stassins de Hemmetinez, dont sont li heures; et orent II sorours: ly une fut mariee à mesire Heneman de Bawengnez, et li altre à mesire Vilheamez de Criscengnee, dont fut mesire Eustause de Criscengneez. Item, li secons fis mesire Humbier d'Awans oit nom mesire Corbeais de Awanz, qui oit II fis chevaliers: ly anneis oit nom mesire Wilheamez, sire d'Awans, ly secons oit nom mesire Humbiert de Bernalmont; de cheli furent I fis et I filhe: ly filhe fut mariee à Jaqueme de Diepenbech, dont fut mesire Loys Dyepebech; et li fis oit nom Hubier, qui fut chevalier, et de luy fut fis mesire Humbier de Bernalmont, qui oit le filhe sire Gile le Beal, dont sont li heures; et oit I frere as precheours à Liege, qui oit nom frere Anseal. Item, de mesire Wilheamez, sire de Awans, furent dois fis et I filhe qui fut mariee à mesire Symon de Nuefvilhe; s'en sont li heures; ly anneis fis oit nom Wilheamez, com li peire, qui fut sire d'Awans; à cuy temps commenchat la guere d'Awans et de Waroux, dont il morut, et altre avecque luy, as haiez à Lonchins, sour l'an milh IIc IIIIxx et XVIII, si com vous oreis quant je seray là. Chis ot II filhez: l'une at mesire Butoir de Clermont, de cuy fut Corbeais, qui tient jà III casteais: Clermont, Awans et Asteneur, et les biens à chu apartenans, qui puis n'oit riens et morut povres; et ansi en fut le femme mesire Johain de Liers, dont sont li heures. Le seconde filhe le signour d'Awans oit à mari mesire Johain le Polens, qui oit fis et filhez; Si fut ansi Guilheamez longe espee, dont sont li heures, et Johains li Polens d'Aleur, qui oit le filhe Henri Hueneal, dont sont li heures. Ly second fis mesire Guilheamez, li viez, oit nom mesire Arnus de Awans, canoinez de Liege. Or aveis cheauz qui sont desquendus de mesire Corbeal, secons fis mesire Humbier, sire d'Awans. Si dirons de thier fis, qui oit nom Eustause li Frans hons de Hollengnele, qui oit II fis à chevaliers et III filhez: dont li annee fut mariee à Grasce, si oit I filhe qui fut mere Johain Bolewe, esquevins de Liege. Ly seconde filhe fut mariee al Wege, à mesire Woutre de Louz, sire de Wege, qui astoit cusin germains al conte de Louz; s'en issit mesire Brunekins de Foux, qui se mariat à Bolsee, à la filhe mesire Rause de Bolsee; s'en isserent Goffins de Foux et Johain li Brons de Foux, ses freres; et l'autre serour fut mariee à Liege, à maistre Walthier de Hanut, l'avocauz en la court de Liege, dont issit mesire Johain de Hanut, chevalier.

Li anneis des fis mesire Eustause oit nom mesire Ameile de Hollengnoul, et li altrez mesire Eustause de Many, qui oit III fis: Stassins, qui moult oit d'enfans, ly altre fut Vachot de Rennez, dont sont ly heures; ly thiers ot nom Gile de Many, peire mesire Johain de Many, damoiselle Helui, femme Thonar de Fous, et Philippe, damme en l'englise de Ghelogin, et le femme Hustar d'Euwalhe. Item, li quars fis mesire Humbiers d'Awans oit nom Anthoine li moynes, dont ilh isserent mult enfans, assavoir: Simon de Lexhi, dont ilh issit Tonnart Mararare de Dommartin, peire Colin de Dommartin de Halebay; de queilh Colin fut mesire Anthoine de Halebay, canoine à Saint-Lambert à Liege et de Saint-Johain en Liege, et de Nostre-Damme de Huy; et s'en issit I moynes d'Escolliers à Liege, qui oit nom mesire Nychol de Halebay. Item, li Ve fis oit nom mesire Johain Loquereal, dont sont li heures. Item, li VIe fis oit nom mesire Gerard Pencelhons de Votemme, qui oit IIII fis: li anneis fut li Berewiers, ly second Thiris, ly thirs Malhefier, et ly quars Wilheame, canoine de Saint-Martin en Liege. Or aveis cheauz qui sont desquendus des VI fis et IIII filhez mesire Humbiers, sire d'Awans, secons fis mesire Brutons. Si vous dirons de thierche filh mesire Bruton, qui fut nommeis mesire Eustauce de Vileir: dont ilh issit II fis, et I filhe qui fut mariee, à Kemexhe, à mesire Engorant, le voweit de Lexhi, dont isserent V fis chevaliers et I filhe, qui oit nom Berte, qui fut mariee, à Harsta, à maistre Bastin. De dame Berte isserent moult enfans, fis et filhes, entre lesqueis ilh issit Hernekin de Kemexhe et Johains Martial, ses frerez. Ly anneis des II fis mesire Eustause fut nommeis mesire Liebier de Vilheir, et li altre mesire Ouste, doiens de Saint-Pire, à Liege. Item, le quars fis mesire Bruton oit nom mesire Fastré Peneit; chis oit I filh à chevalier, qui oit nom messire Humbiert, de queil fut Johain d'Acoche et Gilez, ses frere, de queil sont li heures. Apres, li Ve fis mesire Bruton oit nom mesire Bastin de Hollengnoul, qui oit II fis chevaliers: mesire Anthoinez Malhet, dont fut mesire Anthoine de Gemeppe, dont sont li heures; et li altre fut mesire Renier, dont ilh issit monsignour Wilhembreuke, canoine de Liege.

Li VIe fil oit nom Bruton li jovene, qui oit VIII fis et V filhez: dont li annee fut mariee à mesire Conrart de Viseit, qui fut peire à mesire Renier de Viseit, de queil issit mesire Renart d'Argenteal de part madame sa mere, et Reniers de Freipont, dont sont li heures; et oit mesire Courars I altre filh qui oit nom Johain de Mondale, dont sont li heures. La seconde filhe mesire Bruton li jovene fut mariee à Selins, si oit III fis: li anneis oit nom Wilheames Balhez, li secons Bodechons de Selins, li thiers Johain de Pondrelos, et une filhe mariee à maistre Johain des Mares, le notaires en Brabant, dont furent dois filhez: ly annee fut mariee à mesire Johains Boilewe, esquevins de Liege, dont fut mesire Guilheamez Boilewe, canoine de Liege, Johain et Raskin, son frere, et I serour qui oit Lambert de Frerez, citain de Liege; et li altre fut mariee à Goffin de Hemmericourt, s'en fut maistre Thomas, clers des esquevins. Goffin de Hemmericourt et mesire Johain des Mares, canoines reguleis à Saint-Giele en Publemont. Ly thierche filhe mesire Bruton fut mariee à Liege à mesire Eurewin, dont fut Henris li Parens, et li mere Johain de Bernair. Item, li Ve filhe fut mariee à Beheez, s'en issit damme Agnes, le Goffin de Foux, de queis ilh issit le femme Octe d'Ilhe, le femme Johain Marteal de Kemexhe, le femme maistre Andriez de Feruis, advocauz, le femme maistre Evrar de Lovain, advocauz, et le femme Jaquemot de Coir; et si en isserent III fis: Johain de Foux et Renier, son frere, et Goffin, li canoine de Saint-Denis. Ly anneis des VIII fis fut mesire Wilheamez li vies, qui oit II fils chevaliers, dont li anneis fut mesire Wilheamez li jovene, et li masneit mesire Loys; et oit III filhes: I mariee à mesire Hustin de Seraing, l'autre à mesire Bareit de Aleur, et de cheli fut Wilheamez de Bealfroipont; et la thierche à Johain de Borne, dont fut Arnus de Oborne et Wilheame, ses freres; et mesire Wilheame li jovenez oit la damme de Heres à femme, qui fut genti damme, s'en oit I filhe que fut nommee Marie et fut mariee à mesire Rause, sire de Warfesee, et li donat Waroux en mariage; si orent X enfans, dont tant heures sont que mervelhes.

Apres, li secons fis mesire Bruton li jovene oit nom mesire Abraham, dont furent li heures. Ly thiers oit nom mesire Anthoine de Bernalmont, dont sont li heures. Ly quars fis oit nom Johain li Polereais qui oit fis et filhes, s'en fut mesire Wilheame Longue espee et Johains, ses freres. Ly Ve fis oit nom Welins de Waroux, de cuy sont li heures. Ly VIe fis mesire Bruton oit nom Connay, s'en fut Wilhot de Waroux, dont sont li heures. Ly VIIe et ly VIIIe furent marieis, dont sont li heures. Or devons revenir al thier filh mesire Huez de Lexhi, qui oit nom mesire Radus de Vouroux, peire à mesire Ameile, dont sont li heures; et li quars fis mesire Hue ot nom mesire Henri de Criscengneez, qui oit III fis chevaliers et grantment de filhez, dont sont li heures. Or aveis cheauz qui sont descendus de mesire Hue de Lexhi, frere germain à mesire Liebier Sureal de Donmartin, qui furent li dois fis mesire Humbert à la barbe, sire de Donmarlin et de Warfeseez, qui fut gentis hons, neis de Hollande, ensi que je ai dit deseur. Si est raison que je die de la filhe al dit mesire Humbiert et serour à dit mesire Liebier et Hue, qui fut nommee damoiselle Aelise la belle; damoiselle Aelis fut mariee ansi bien que sa mere, à I chevalier estrangne, de Riwier; si avoit nom mesire Loys de Morlenach, qui astoit gentis hons de cheauz de Morlenache, de Morumi et de Roide. Chis oit Aelis à femme, s'en oit sire Rogier à Chapeal d'llhe et damme Sibilhe, sa serour, qui fut mariee à mesire Loys à Roges cauchez du Ruelant; dont ilh isserent IIII fis et I filhe qui furent nommeis: sire Loys Surles, mesire Rogier, sire Radus al oilhe et sire Lambuche, canoine de Saint-Bertremeir et coistre de Saint-Denis, de Liege. Et la filhe oit nom damme Aude, qui ot mesire Bueve de Skendremale promier, et, apres sa mort, oit Danial de Hamale. Et li fis mesire Rogier d'Ilhe oit la filhe Johain de Hacour, qui morut sens heure.

Mesires Loys Surles, li aneis fis mesire Loys de Ruelant et de Sibilhe, oit à femme Margarite, le serour mesire Wilheame de Hosemont, dont ilh issit IIII fis et V filhez, assavoir: sire Gerart Surles, mesire Giele Surles, Libier Surles, Louis Surles et Johain Surles; mesire Gerart oit II fis et I filhe qui fut mariee à Woudemont, dont ilh isserent pluseurs enfans qui se mariarent à cheauz de Preis, dont ilh issit grant pueple; et li anneis des dois fis oit nom Julien del Jardin de Harstal; et li altre fis oit nom Symon, qui morut sens heures; mesire Gile Surles morut sens heures; Libier, Loys et Johain morurent oultre mere, sens heures. Et de V filhez fut une nonne à Blyse, l'autre à Nyvelle, si orent nom Sibilhe et Ysabeal; et la thierche et la quarte, qui orent nom Gele et Oude, furent beghinez à Blanches dammes à Treit, et morurent là saintement; et li Ve fut nommee Beatris, qui fut mariee à mesire Herbert Caluche de Chanee, s'en oit I fis qui fut nommeis Loys Caluche, qui fist faire le maison de Bealfroipont, dont sont li heures III fis: Liebiers Surles, qui mourut sens heurez et giest à Frere-meneur à Liege, qui dont demoroient là cheauz de Bealrepaire demorent maintenant, as Trestes, et li altre fut frere meneur, si oit nom frere Nicoil; et li altres frere oit nom mesire Gerart Surles, qui oit V filhez: Maroie de Hamale, qui oit à mari mesire Franbaxhe de Hamale; damme Oude qui oit mesire Namekin de Gotehem; damme Katherine qui oit mesire Rigal de Lymons, qui mourut sens heure; damoiselle Agnes, beghine à Saint-Albiert, et damoiselle Margarete qui oit Johain de Mondale. Et oit mesire Gerart Surles III fis: mesire Gerart, mesire Liebier et Loys Surles. Promiers, Gerart Surles, fis mesire Gerart Surles, out à femme damme Katherinne de Herkes, s'en oit I filh qui oit à femme damme Babache, filhe à mesire Everart de Boins, dont issit dois filhez, assavoir: damme Agnes, femme mesire Godefroit Siles, de Treit, chevalier, et damme Ysabeal qui oit mesire Jaqueme Chabot. De cheli de Treit isserent la dame de Miedrenghe et la damme de Gochoncourt, dont fut I chevalier de Gochoncourt qui mourut sens heures; et de cheli qui mariee fut à mesire Jaqueme Chabot issit la damme de Mormale, la damme d'Argenteal qui oit mesire Renart, et chis de Corwaremme, et li enfans mesire Eustause de Serain et chis de Hucehovem, et li enfans mesire Walthier de Hautepenne et ansi mesire Giles Surles, chevaliers. Item, Liebiers, li fis Gerars, oit à femme damme Margarite, filhe à mesire Albier d'Ais, chevalier, si isserent VIII fis, assavoir: mesire Loys Surles, maistre Giele Surlez, canoine de Liege, Wilheame Surles, canoine de Saint-Poul, Colins Camars, canoines de Saint-Bertremeir, si Radut Surles, daint Gerart, moine de Saint-Jaqueme, Lanage, qui morut sens heures, et mesire Johains Surlez, chevaliers.

Et ansi en issit I filhe qui oit nom damme Marguerite de Veleruez, dont issit tant de chevaliers et d'escuwiers que che seroit mervelhe del racompteir. Item, oit Loys Surlez, fis mesire Gerart, à femme le filhe Arnart de Lewe, qui oit nom Ysabeal et fut serour à la femme le dit Gerart de Herbes; si isserent dois fis et II filhez: Ernar et Loys, damme Agnes, nonne ale Vaux Nostre-Damme, et I beghine à Saint-Albert; et morit li dis Lowis à Wilhenfrait; et si chis IIII enfans morurent sens heures. De damme Maroie de Hamale, filhe mesire Gerart Surles, furent II fis et II filhez: mesire Lowis de Hamale et Eustause, ses frerez, qui morut sens heures, et damme Margarite, qui oit Ernekin de Serain-sour-Muese, dont issit Collart li Pannetier et Ernekin li Pannetier; et li altre oit li woweit de Riwechon; et li dis mesire Lowis de Hamale oit à femme le filhe mesire Wilheame Longe espee de Ghotehem, et si avoit II fis et I filhe: Danial de Hamal et daint Johain, moine de Saint-Jaqueme, qui puis fut prieux de Saint-Hubiert en Ardenne; ly queis Danias morut à Tongre, et ot III fis et I filhe qui fut femme Johain Griete, de Riwechon, et Loys et ses dois frerez. Damme Margarite oit III fis: mesire Danial li Pannetiers, mesire Gerart et Hanekin, ses III freres. Item, de damme Oude, femme mesire Herneken de Gotehem, isserent VII fis et IIII filhes, assavoir: Navenkins, Loys d'Ecumetables, Lambrech de Ophers, de Saint-Johain à Liege canoine, Fastreit, canoines de Saint-Martin, Johains et daint Nychol, moynes à Saint-Jaqueme à Liege, et I aultre qui fut moines de Saint-Tron. Les IIII filhez furent damoiselles Katherine, Agnes, Hawi, beghines de Saint-Christofle deleis Liege, et li altre fut nonne à Mile. Novenkins, li anneis des frerez, oit I femme de Gotehem, et issit mesire Wilheame de Gothehem, chevaliers; Lowis, ses freres, oit à femme I damme d'Engleterre qui astoit camberier à la royne d'Allemangne, femme à roy Rodulphe; d'eauz issit I filhe qui oit à mari mesire Frelinch de Wetenchiles, dont furent Gerat, Louis et Maroie.

Gerart soy mariat en la terre de Falcomont, Lowis à Nevain, et Maroie en la conteit de Louz. Item, damme Margriete, qui fut femme Loys Surles, li aneis, fis mesire Lowis de Ruelant, quant ilh fut mors à Amechins où ilh morut, soy remariat à Johain de Mondal, si en oit IIII fis et I filhe: Pirons, Johain, Lowis, qui moururent sens heures, et Giles et Katherine; Giles oit à femme Maheal de Meffe, s'en oit II fis et I filhe: sire Henris, vestis de Flerus, et sire Wilheame, vestis de Clermont deleis Bealmont; et la filhe oit à nom Margarite. Or aveis touz cheauz qui sont desquendus de mesire Loys Surles, anneis fis à mesire Loys de Ruelant. Si vous diray de mesire Rogier, son frere, apres qu'il se mariat mal, ilh oit à femme le filhe le prestre de Saint-Johain à Liege, s'en isserent II fils et III filhes, assavoir: Loys, Laneal, Lambechon, Pinorons, damme Oude de Waroux et II altrez; ly queis Lowis Naveaus se mariat à Hubines, à damme Ponche, serour à mesire Franke de Hubines, mesire Pire de Hubine, chevaliers, et al vestit de Hubines; s'en isserent III fis, mains li II morurent sens heures à Puilhiche, entre Leirs et Vileir; et li altre oit nom Hanoses, qui fut costre de Dynant et canoinez de Saint-Poul; et si oit III filhes: dammes Maroie, Rouse et I altre qui morut sens heures; damme Maroie oit Johain Polhon, et Rouse oit Thiri de Uffey, dont oit III fis et I filhe, assavoir: mesire Lowis d'Uffey, qui fut esquevins de Liege, et Walthiers et Godefrois, canoine à Liege de Saint-Poul, et li filhe fut femme mesire Symon de Julemont, chevaliers: Lambeche Poitiron, qui fut li secons fis mesire Rogier, oit à femme I brasseresse, s'en issit III filhez: ly une oit Lambert de Foux, qui en oit I filh et I filhe qui oit Chevalbay et morut sens heures; et li fis, qui oit nom Arnart Borlar, oit à femme la serour Henri de Peves, s'en oit II fis et I filhe: Lambert, Henris et Contesse. Item, damme Oude de Waroux, filhe mesire Rogier, ot mesire Wilheamez de Waroux, li viez, s'en isserent IIII fis et IIII filhez: de mesire Willheamez de Warouz, chevaliers, et Abraham de Waroux, qui moeut sens heures-, et li II altrez furent moinez, assavoir frere Ogier, cordelier, et Lowis, frere de Joins. Ly une des filhez oit mesire Bareit de Bealfropont; la oit Johain d'Oborne; l'autre fut mariee en la terre de Falcomont, et li altre fut beghine.

Monsignour Wilheame, fis à mesire Wilheame li viez de damme Oude de Warous, oit à femme le damme de Hers, femme al signour de Hers, qui astoit veve, qui fut noble damme de tote nation; s'en oit I filhe, le queil oit à mari li signour de Warfeseez, si en oit X enfans. Et ensi aveis cheauz qui sont desquendus de mesire Rogier, secons fis mesire Lowis de Ruelant. Si vos dirons de mesire Radus al oelhe, le thier filh, qui se mariat à Glons, s'en issit II fis et II filhez, assavoir: mesire Radus d'Ilhe et sire Giel, canoine de Saint Pire à Liege; et li une des filhes oit Johain de Huy, frere à senescauz des Preis; et de sire Radu, fil à sire Radu al oelhe, issit le femme Everart de d'Ilhe, et I altre qui fut mariee à Lamines, qui morut sens heures; et l'autre filhe, qui oit nom Radelete, fut mariee à Barche. De la femme Evrar d'Ilhe issit sire Evrar, moine de Saint-Giel en Publemont, Evrar, canoine de Saint-Crois, Radeles, Otteles, Clarebalt, Alixandre, et l'annee, qui fut femme Radelet de Sclachiens. De Radelete qui fut mariee à Barche, issit mesire Radus de Barche qui morut oultre mere; si oit à femme la sereur Johain de Oborne, dont issit Henris de Barche. Del femme Johain de Huy issit mesire Johain de Colonster et mesire Radus, ses freres, et damoiselle Agnes, femme Johain de Vileir, mere à Johain l'aneit et à ses freres, et à la mere mesire Godefroit de la Capelle; et l'autre filhe oit Gerart Balais, de Jupilhe, del promier mariage, de quoy ilh oit damme Yde, femme Johain de Lardier. Or aveis oit cheauz qui sont desquendus des trois fis: Loys, Rogier et Radus, enfans à mesire Loys de Ruelant c'on dist as Roges cauches; et li quars fis fut canoines, si n'oit nul heures.

Or deveis oïr cheauz qui sont desquendus de damme Oude, filhe mesire Loys de Ruelant, qui se mariat promier à Buenon de Squendremale, s'en issit Piron de Squendremale; puis morut Buenon, si soy remariat damme Oude, si prist Danial de Hamale, s'en issit mesire Loys de Flemale et Thiris, ses freres, mesire Loys fut tueis et morut sens heurez; et oit I serour qui se mariat à Huy, à Jaquemart Caboche, dont issit mesire Thiri Caboche, et sa serour, le mere mesire Thiri le Bron. De mesire Thiri Caboche issit Henri Caboche. Jaquemiens et Loys Caboche, et sire Rogier à Chapeal, qni se mariat à Frepont; s'en issit sire Lambuche d'Ilhe et Henris des Solier, ly damme d'Awans, li femme mesire Corbeal le vies, et signour Johain de Holongne, et I altre marié à Huy à Hubalhe. De cheli d'Awans issit mesire Wilheame David et mesire Humbier de Bernalmont; del dit mesire Wilheamez d'Awans issit mesire Corbeal d'Awans et mesire Arnut, canoine de Liege, et li femme Walthier del Nuevilhe; de mesire Humbier de Bernalmont, qui oit le serour Hermote de Nuefvis, issit mesire Humbert de Bernalmont et li femme Jaquemin Dypenbech; et se mariat mesire Humbier al Weige, dont ilh isserent moult d'heures; s'en fut Lambuche, qui fut veve et se mariat à la filhe le dame de Namur. Et de sa promier femme, de Fors-casteal, à Liege, issit sire Rogier, canoines de Liege, peire à Evrart del Loge et Lambuche et Wilheame, frere al dit Rogier; li queil Lambuche soy mariat en Refay, et le mere le senescal des Preis leur serour; et del dit Lambuche issit Johains de Brabant, esquevins de Liege, qui fist faire pres toutez les maisons sour le pont d'llhe à Liege, et giest en une capelle en l'encloistre des freres-precheurs à Liege, que si foymens fissent faire et fondont. Et oit li dis Johain I sorour, qui fut femme Herman de Charneur. Ly dis sire Lambuche soy remariat à le filhe Gilhon Drawehal, s'en issit li beais Lambuche et damme Katherine, femme mesire Thiri des Preis. Li beais Lambuche oyt promier à femme le filhe Henri le Velhet.

Apres soy remariat à Vinalmont, dont moult d'enfans isserent. Apres, mesire Johain de Holongne deseurdit soy mariat, s'en issit sire Rogier de Holongne, chevalier, qui oit le filhe mesire Johain de Holongne, canoine de Liege, et li femme Weri de Palais, et le femme le viel Hueneal de Liege, et I altre qui fut mariee en le terre de Namur. De Hubalhe et de si femme issit le femme mesire Gerart de Berlouz. Or aveis cheauz qui sont desquendus de seconde mariage de damme Oude et Daniel de Hamale deseurdis. Si deveis oyr cheauz qui isserent de Buenon de Squendremale; dont ilh issit Piron, ses fis, qui se mariat en la terre de Dolhen, si oit le filhe mesire Renier de Navain, dont issit II fis et I filhe qui fut mariee à Warsage, s'en issit Papeles de Warsage, et ses freres et serour; et li anneis des dois freres oit nom mesire Walthier, qui fut marieis à la filhe de Souree, dont ilh issit mesire Johain et mesire Arnus Soureis et leur heures; et li altre oit nom Gilart de Squendremale, à la filhe Hubelebay, si en oit I filhe qui fut nommee Ysabeal et fut mariee à mesire Wilheamez, sire de Woudemont, qui en oit V fis chevaliers: mesire Ogier de Woudemont, mesire Wilheamez, mesire Collet, mesire Thilmant, mesire Rollant, et III filhes: Katherine, Gele et Ydon. De mesire Wilheamez issit Wilheame de Widemont, qui oit II fis bastars, des queis li anneis oit nom Winekin de Woudemont et li altre Borgois de Woudemont, qui furent maiement borgois tres valhans à armes, hardis, fors et entreprendans; et se mariarent, si en issit planteit d'heures, et par especial tos cheaus que ons nomme le Borgois sont issus de Borgois. Et Winekin oit II femmes: ly promier fut serour sire Jaqueme de Coir, si en oit II fis de la promier, Gilon et Wineken; Gilon se mariat, si prist la femme Stassin de Fichier, s'en oit II fis: mesire Wilhem de Woudemont, capellains de Saint-Johain de Liege, et li altre oit nom Wilheame à Court neis, qui oit et prist à femme damme Adilhe, I revendresse de jotez et de fruitez, qui vendoit devant le hospitail des Coquins de Saint-Christofle; et Winekins morut sens heures.

Quant Winekins; li peire, fut vevez, si se remariat à damoiselle Yude, filhe mesire Rogier de Harsta, chevaliers, dont ilh oit VII fis et III filhes: ly anneis oit nom Henris Wilhekin de Wodemont, qui oit III enfans, II fis et I filhe: li anneis oit nom mesire Wilheame, vestis de Olemont, et l'autre Henris; et li serour oit nom damoiselle Yde, qui fut mariee à Colart de Hermee, dont oit II fis, Tossent et Henris. Et li I des serours, filhe Winekin de filhe mesire Rogier de Harsta, fut damme de Julemont, et li altre serour oit mesire Wodomme del Brueir, c'on appelle de Magnee; le queil mesire Wodomme oit I fis et II filhes: ly fis oit nom Renart, qui fut marieis à Viezvengnis, si oit le serour Piveon; et li altre fut mariée à Beariwe, s'oit Walthier de Beariwe, dont ilh issit damoselle Juete de Beariwe et I filhe altre; et li altre serour fut mariee à Mirmort, dont est issus Franque de Magnee, balhiet de Pont. Et li altrez freres des V chevaliers devant nommeis morurent sens heures. Si vous dirons de leurs serours, dont ilh fut trois: Katherine, Gele et Ydon; Katherine fut mariee à mesire Thiri de Preit, li aneis le nomoit-ons, car ilh astoit li anneis des fis mesire Arnus des Preis, maire et esquevins de Liege et mariscauz del evesqueit de Liege. Chis mesire Thiri li asneis oit I fis de Katherine, sa femme, qui oit nom mesire Thiri li jovene, qui se mariat, s'en issit Johains des Preis, esquevins de Liege. Et oit mesire Thiri li anneis de Preis I altre fis que ons nommat Stassin l'aneit des Preis, qui se mariat, s'en issit I filhe qui oit à marit Hardi de Harsee, dont ilh isserent Johain Hardit, li canoine de Saint-Donis à Liege, et Stassin Hardi, I orfevres, et leurs freres et serours. Item, li seconde des III filhez, qui oit nom Gele, fut mariee ancor à linage de Preit, si oit Stassin, le filh mesire Radut l'Ardenois de Preit, fis mesire Arnus deseurdit; s'en oit bien XV fis, dont ilh est issus teile pueple qu'a mervelhe. Li altre frere cheli Stassin, et fis à mesire Radut, qui fut nommeis maistre Nichol Lardenois des Preis, docteur en loys et en decreis, avoit ansi à femme damme Catherine le Messon de Magnee, filh Franque de Magnee, dont maistre Nychol eu XVII fis et I filhe qui oit nom damoiselle Maroie, si morut beghine; et li XVII fis furent tos marieis: des li I fut Johain de Oultre muese, citains de Liege, qui oit à femme damme Maron, filhe Colart Pollage deseurdit, dont issit Johains d'Oultre muese, clers ligois, publes des auctoriteis apostolique et imperial et del court de Liege notaires et audienchiers et noblez contes palatins.

Chis Franque de Magnee fut fis mesire Aoust de Magnee, chevalier, et se mariat à la filhe signour Guys de Mossem, I borgois de Messe, en Loheraine, qui vint demoreir à Liege; si avoit I filhe qui a nom Katherine, qui oit Franque de Mangné deseurdit, s'en oit II filhes que li Mossem, leur grant sire ou ayon (ch'est tout unc) mariat li-meisme: si donat l'annee, Katherine, à maistre Nichol des Preis, car chu astoient adont li plus grans et plus poisans du pays, et li donnat aveque en mariage, li dis Messains, en propre viez gros (le viel gros comptant pour VI deniers que ilh coroit adont), partant IIm libres de gros, car maistre Nychol avoit heretage asseis; item, li altre filhe Franque de Magnee oit à nom Maron; chis donnat li Messains, atout milh libres paiement deseurdit, à Henrart de Brahier, filh Hanot de Brahier, le brasseur de pont Ameircuer; dont ilh issit II fis, Collair de Brahier et Franchois, son frere, citain de Liege, et IIII filhez: damme Maron, femme Andrier de Lembor, damme Ysabeal, femme Wilheame de Lembor, dame Agnes, femme Pirot Raudis, citains de Liege, et damoiselle Aghise, qui morut beghine. Item. oit li deseur dite Gele, li seconde des III serours, I filh qui oit nom Albiers, qui oit I fis qui oit à nom Johain Albier, li queis oit II fis: li I fut Johain, le maistre de Boire, et li autre fut Rahars, dont ilh sont issus dois enfans, Johain de Nuefvis, li vairesscohier, et damoiselle Katherine, qui fut femme Johain del Mote. Et ors aveis cheauz qui sont issus de Gele, la seconde des III filhes. Si vous devons dire de Ydon, la deraine des III serour, qui fut mariee à Wotrekin, sire de Sougnee, escuwiers; s'en issit Raskin de Sougnee, chevalier, et Goffar de Sougnee, canoine de Saint-Bertremeir. De Rasquin issit Johain et Arnus de Mangnee, dont ilh issit Henris de Sougnee, sire de Mangnee.

Chis Henris fut clers et fut contes palatins fais de l'emperere, et se mariat et oit de sa femme III fis: Johain, Lambert et Arnus, qui morurent jovenez; et d'onne altre femme ilh oit I filh qui oit nom Henri Cuen, qui portat le nom et le subnom son peire, car li peire si astoit nommeis Henris li Conte de Sougnee, si que chis astoit nommeis Henris Cuen. Chis Henris Cuen, le fis, fut à son temps en grant auctoriteit à Liege, et fut I richez hons et I bons hons, et maistre de Liege plusseurs fois, et govrenat Ligois loialment; et oit fis et filhez, entre les queis ilh oit Henri Cuen, qui fut I proidhons, et Johain Cuen qui oit le filhe Lambert Rosseal, esquevins de Liege, dont ilh fut Henri Cuen, li jovene, qui fut maistre de Liege pluseur fois et grant maire de Liege ansi. Et de Henri Cuen issit I filhe, qui oit Colart de Champt, escuwiers, à mari; et de Rigolet isserent Henris de Magnee, qui oit IIII enfans, III filhez et I fil qui oit nom Colart de Mangnee; et li annee des filhez oit Connart Machon, et li altre oit Johain Allixandre de Fochiet, dont ilh est issue damoiselle Maroie qui promier avoit à marit Lambuche, fis anneis Wilheame de Weis, et puis apres Godefroit de Cornut, et apres Johain Noiche, fis mesire Hue de Cange, chevalier. Or aveis cheauz qui sont issus des linages de Dommartin et de Warfesee tant seulement, non mie des altrez linages de Heshain, car ilh at mult de lignagez en Hesbain sens cheauz, et par le pays del evesqueit de Liege. Si fut commenchié à escripre, l'an XIc et LIIII, li commenchement deseur dit jusque al an XIc LXXXVI, par mesire Renkin de Berlouz, chevalier, et le laisat en l'englise de Liege, où ilh avoit I filh canoine, qui fut nommeis Frederis, qui escripst avant; chu qu'il visquat, jusques al an XIIc et XXVIII. Apres, recommenchat à escripre Reniers de Foux, canoine de Liege, tout en avant le temps de sa vie jusques al an XIIc et LXIIII; puis le rescripst Engorans de Geneffe, canoine de Liege, et escript jusques à l'an Xlllc et IX; et puis escript mesire Oust de Haneffe, fis à signour de Haneffe, jusques al an XIIIc et XXXIX, et là morit-ilh; si ne fut nus qui escripsist, car li promiere escripture astoit concellee, que ilh fut restituee par les foymens del dit sire Oust de Haneffe; et puis fut mis en I libre, le queil libre Lambert dis li Avoigle copoit, fors I partie moult obscure et mie veritable. Ensi vous ay-je dit; chu que je n'ay troveit, si m'en tairay.

...

Et quant Cesaire Augustus oit conquis Egypte et tout le paiis altour, si soy retournat à Romme à grant joie, puist fist-ilh ochire Anthonne et Cleopatra. El alcuns dient que Anthonne soy desperat et soy ochist apres chu qu'ilh fut desconfis, et que la royne Cleopatra, apres le mort de Anthonne, soy vestit et s'apparelhat de ses beais draps d'or royals, et s'en allat à Romme alle emperere Augustus, portant qu'elle quidat que Augustus dewist prendre plaisance en lée, car elle astoit mult belle damme et jovene. Mains li emperere ne le voult mie laissier venir en sa presenche, anchois mandat qu'elle fuist prise; mains alcuns li laissat savoir, si s'enfuit et revient en Egypte, si soy fist mordre de I serpent que ons nom aspis, de quoy elle morut tantoist, et se soy fist ensevelir en la sepulture de son marit Anthonne. — Apres, quant ly emperere fut revenus à Rome, vinrent les Romans al emperere et li dessent que ly regne Herode astoit trop petis, et que grant terre apartenroit bien à I si valhant homme. A chu s'acordat bien Cesaire, et appellat Herode et ly donnat la terre de Traconie et la terre de Marcune; si fust adont Herode sires de IIII regnes. — Puis en rallat Herode en Egypte, si y fondat I mult belle citeit que ilh appellat Cesaire; et cel est Cesaire Palestine, dont sains Eusebe et sains Cornilles furent puis evesques, ly I apres l'autre longtemps.

En cel temps, en Trans Tyberim à Romme; apparut I fontaine qui jettoit oyle à si grant planteit, que li riwe en corroit par si grant habundanche que ch'estoit mervelhe. Item, adont apparurent trois cercles entour le soleal, sicom ly arc Dieu. A cel temps fist Herode el citeit de Cesaire, en la maistre porte, une thour mult riche, tout de blanc marbre, encontre la venue Augustus Cesaire, portant que ilh devoit entreir par celle porte en la citeit. Et fut chu sor l'an Vc LXXIX, — Item, Herode apres chu restablit la citeit de. Ascalonne, et y fist I gran palais, car ilh astoit de Ascalonne neis; et fut chis Herode appelleis Herode Ascalonita, portant qu'ilh sourjournoit mult volentier en chis palais. — Item, l'an Vc et IIIIxx recommenchat ly roy de Tongre à porfaire son casteal, que son peire avoit commenchiet sour une roche seiant sour Mouse, qui fut appelleis Lotringe apres son nom et le nom de son pere, qui puis fuit destruis par les Huenx. — En cel an meismes fist Herode en Jherusalem I thour que ilh appellat Aggrippe, apres le nom Agrippe, le senescal de Cesaire; et si avoit pardevant fait faire une altre qu'ilh appellat Anthonne, qui ors est nommée la thour David. Apres chu fist faire Herode une aigle d'or, et le mist sour le grant porte de temple, en l'honour des Romans; car ly emperere de Romme portoit une aigle en ses armes, encor font, qui est noire sour or. De chu furent les Juys mult corochiés sour Herode, car ilhs ne porent oncques ameir les Romans. — Apres chu, sour l'an IIIIxx et I, morut li poete Orasses, qui fut mult saige cleirs, et fut disciple à Virgile. En cel an meismes commenchat à fondeir Lotringe, ly roy de Tongre, ches vilhes: Ougnée, Gemeppe, Flemaile, Engis, Awir, Horion, Floyne, Chokier, Ramey, Tayniers, Asseneur et Amechiens; et ne cessat d'ovreir tant que ilh oit tout faite. Et puis se fist Lobbe et pluseurs aultres vilhes en chi paiis del amont. Et puis se fondat Jehain et Geneffe, Thys, Stirs et Bovengniestiers. — Item, l'an Vc IIIIxx et II, commenchat à faire Herode unc casteal mult beal et noble, droit en la plache où ilh avoit desconfit les Juys, qui le cachoient quant son frere fuit mors por Antygonus, quant Hircans fut pris, où ilh alloit parleir al roy de Turquie.

Cheluy casteal fist Herode mult fort et mult noble, et puis le nommat Herodiane, el ramembrance de son nom; en lequeile casteal ilh fut ensevelis, quant ilh fut mors. En cel an meismes, grant guerre s'enmut entre Franco le duc de Galle, et Flamens le comte de Flandre; si orent batalhe ensemble, mains ly dus Franco fut desconfis et ses gens livreis al mort. Et fut cel desconfiture trop mervelheux, car li conte de Flandre portoit adont l'escut d'oir semeit de ras de sable; si fist en cel batalhe armeir Xm hommes à teils armes, et enbussier en unc bosket; et quant che vient que la batalhe fut la plus grant, si vinrent les Xm hommes en escriant: « Aux ras ! aux ras ! » et se firent en la batalhe. Quant les Sycambiens, qui astoient lasseis, les perchurent, se furent mult enbahis et se misent al fuir. — En l'honeur de cel victoire, fondat li conte de Flandre, en propre lieu où li batalhe fut, une citeit que ilh nommat Arras, et encor le nom-ons enssi; et fut fondée l'an Vc IIIIxx et II, en mois de decembre, jenvier et fevrier. Mains, longtemps là apres, furent cheaux qui habitoient en ladit citeit honteux de chu que leur vilhe avoit I si maulhonieste nom, se le nommarent Atrabatum apres leurs saingnour; et encor le nom-ons enssi en latien, A mains tousjours en roman l'apelle-ons Aras. — Item, l'an Vc IIIIxx et III fist faire Herode I casteal que ilh appellat Fasel, apres son freire Fasiau. En cel an meismes, redifiat Herode tout le royalme de Samarie, que Johans Hircain avoit destruit et fondue jusqu'à terre; et le remidrat d'unne grant citeit que ilh nommat Sebaste, qui ful et est ly chiest del regne de Samarie. Et portant l'apellarent les alcuns longtemps le royalme de Sebaste. — Item, Herode fist en cel citeit de Sebaste I riche temple en 1'honeur de Cesaire, et encor fist-ilh I aultre temple, sour l'an Vc IIIIxx et IIII, en mois de junne, deleis l'unne des fontaines dont ly fluis Jordan sourt: et fut tous de blanc marbre, mult bien ovreit et polit ...

Jean d'Outremeuse